തിരൂരങ്ങാടി: പുതുതായി മഹാരാഷ്ട്രയില്‍ ആരംഭിക്കുന്ന ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ അഞ്ചാമത് ഓഫ് കാംപസിനുള്ള ഭൂമിയുടെ രേഖകള്‍ ചാന്‍സലര്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ക്കു കൈമാറി.
ഇന്നലെ വാഴ്‌സിറ്റിയില്‍ നടന്ന ദാറുല്‍ഹുദാ മാനേജിങ് കമ്മിറ്റി യോഗത്തിലാണ് ഭൂരേഖകള്‍ പ്രമുഖ വ്യവസായികളായ വി.സി.പി ബാവ ഹാജി ചിറമംഗലം, മുക്കോല അബ്ദുല്‍ഖാദിര്‍ ഹാജി എന്നിവര്‍ കൈമാറിയത്. യോഗത്തില്‍ കോഴിക്കോട് ഖാസിയും ദാറുല്‍ഹുദാ വൈസ് പ്രസിഡന്റുമായ സയ്യിദ് മുഹമ്മദ് കോയതങ്ങള്‍ ജമലുല്ലൈലി അധ്യക്ഷനായി. വി.സി ഡോ. ബഹാഉദ്ദീന്‍ മുഹമ്മദ് നദ്‌വി, ചെമ്മുക്കന്‍ കുഞ്ഞാപ്പു ഹാജി, യു. ശാഹി ഹാജി ചെമ്മാട്, ഹംസ ഹാജി മൂന്നിയൂര്‍ സംബന്ധിച്ചു.