ഒറ്റപ്പാലം : റെയില്‍വേ സ്റ്റേഷന്‍ പരിസരത്ത് വാഹനമോഷണം പതിവാകുന്നു. കഴിഞ്ഞദിവസം ഒറ്റപ്പാലം റെയില്‍വേ സ്റ്റേഷന്‍ പരിസരത്ത് നിര്‍ത്തിയിട്ട കാളംതൊടി അഫ്‌സലിന്റെ സ്‌കൂട്ടറാണ് നഷ്ടപ്പെട്ടത്. റെയില്‍വേ ട്രാക്കിനു തെക്ക് വശത്തെ വീട്ടുകാര്‍ക്ക് വാഹനങ്ങള്‍ കൊണ്ടു പോകാന്‍ കഴിയാത്തതിനാല്‍ രാത്രികാലങ്ങളില്‍ നിര്‍ത്തിയിട്ട വാഹനങ്ങളാണ് കാണാതാവുന്നത്. ഇതേ സ്ഥലത്തു നിന്ന് ഓട്ടോറിക്ഷയടക്കം മൂന്നുവാഹനങ്ങള്‍ മോഷണം മുന്‍പും പോയിട്ടുണ്ട്. ഇവിടെ നിര്‍ത്തിയിട്ട വാഹനങ്ങളിലെ പെട്രോള്‍, പാര്‍ട്‌സുകള്‍, ഹെല്‍മെറ്റ് എന്നിവ കാണാതാവുന്നതും പതിവാണെന്ന് നാട്ടുകാര്‍ പറയുന്നു. പൊലിസ് അന്വേഷണം അന്വേഷണം ആരംഭിച്ചതായി ഒറ്റപ്പാലം സബ്ഇന്‍സ്‌പെക്ടര്‍ പറഞ്ഞു.