പാലക്കാട് : സുപ്രഭാതം 7ാ-മത് എഡിഷന്‍ സെപ്തംബര്‍ ഒന്നിന് കേരളത്തിന്റെ നെല്ലറയായ പാലക്കാട് നിന്നും ആരംഭിക്കും. സര്‍ക്കുലേഷനുമായ ബന്ധപ്പെട്ട പ്രവര്‍ത്തനങ്ങള്‍, എഡിഷനുമായി ബന്ധപ്പെട്ട പ്രചരണ പ്രവര്‍ത്തനങ്ങള്‍ എന്നിവക്ക് രൂപം നല്‍കുന്നതിനായി സമസ്ത ജില്ലാ നേതൃസംഗമം ഈ മാസം 7ന് രാവിലെ 10 മണിക്ക് ചെര്‍പ്പുളശ്ശേരി സമസ്ത ജില്ലാ കാര്യാലയത്തില്‍ ചേരും. നേതൃസംഗമത്തില്‍ സമസ്തയുടേയും മുഴുവന്‍ കീഴ്ഘടകങ്ങളുടേയും ജില്ലാ കമ്മിറ്റിയംഗങ്ങള്‍, എസ്.കെ.ജെ.എം ജില്ലാ കൗണ്‍സിലര്‍മാര്‍ എന്നിവര്‍ പങ്കെടുക്കണമെന്ന് സുപ്രഭാതം പാലക്കാട് എഡിഷന്‍ ചെയര്‍മാന്‍ അല്‍ഹാജ് സി.കെ.എം സാദിഖ് മുസ്‌ലിയാര്‍ അഭ്യര്‍ഥിച്ചു.