കോഴിക്കോട്: കെ.എസ്.ആര്‍.ടി.സി പാവങ്ങാട് ഡിപ്പോയ്ക്ക് സമീപം റോയല്‍ എന്‍ഫീല്‍ഡിന്റെ സര്‍വിസ് സെന്ററായ എസ്. എസ് മോട്ടോഴ്‌സില്‍ വന്‍ തീപിടിത്തം. സ്‌പെയര്‍ പാട്‌സ് റൂമും ഓഫിസ് റൂമും പൂര്‍ണമായും കത്തിനശിച്ചു.
ഇന്നലെ രാത്രി എട്ടോടെയാണ് തീപിടിത്തമുണ്ടായത്. പൂക ഉയരുന്നത് ശ്രദ്ധയില്‍പ്പെട്ട സെക്യൂരിറ്റി ജീവനക്കാരന്‍ അഗ്നിശമന സേനയെ വിവരം അറിയിക്കുകയായിരുന്നു. ഉടന്‍ തന്നെ സ്ഥലത്ത് എത്തിയ അഗ്നിശമന സേനയും നാട്ടുകാരും ചേര്‍ന്ന് വേഗത്തില്‍ തീ നിയന്ത്രണ വിധേയമാക്കി. സര്‍വിസ് സെന്ററില്‍ ഉണ്ടായിരുന്ന അമ്പതോളം ബൈക്കുകള്‍ക്ക് തീപിടിക്കാതിരുന്നത് വന്‍ അപകടം ഒഴിവാക്കി. ഷോര്‍ട്ട് സര്‍ക്യൂട്ടാണ് തീപിടിത്ത കാരണമെന്നാണ് പ്രാഥമിക നിഗമനം.
ബീച്ച്, വെള്ളിമാട്കുന്ന്, മീഞ്ചന്ത എന്നിവിടങ്ങളില്‍ നിന്നുള്ള അഞ്ച് അഗ്നിശമന സേന യൂനിറ്റുകള്‍ സംഭവസ്ഥലത്തെത്തി തീ നിയന്ത്രണയ വിധേയമാക്കി. നടക്കാവ് എസ്.ഐ ബാബു, എലത്തൂര്‍ എസ്.ഐ എസ്. അരുണ്‍പ്രസാദ് എന്നിവരും സ്ഥലത്തെത്തി.