ടോക്കിയോ: ശേഷിക്കുന്ന കാലം രാജപദവിയില്ലാതെ ജീവിക്കണമെന്ന് ജപ്പാന്‍ ചക്രവര്‍ത്തി അകിഹിതോ. 82 കാരനായ അദ്ദേഹത്തിന്റെ ആഗ്രഹം ദേശീയ ടിവി എന്‍.എച്ച്.കെയാണ് പുറത്തുവിട്ടത്. ആരോഗ്യപ്രശ്‌നങ്ങളാല്‍ ക്ഷീണിതനാണ് അകിഹിതോ. ഇക്കാരണത്താല്‍ രാജപദവികളില്‍ നിന്ന് അദ്ദേഹം വിട്ടുനിന്നിരുന്നു. സ്ഥാനമൊഴിയുന്നത് സംബന്ധിച്ച് ഔദ്യോഗിക തീരുമാനമില്ലെന്ന് കൊട്ടാരം വക്താവ് പറഞ്ഞു. 56 കാരനായ കിരീടാവകാശി നറുഹിതോയാണ് അടുത്ത ഭരണാധികാരിയാകുക. എന്നാല്‍ കൊട്ടാരത്തിലെ അംഗങ്ങള്‍ രാജാവിന്റെ സ്ഥാനമൊഴിയലിന് അനുകൂലമാണെന്ന് പേരുവെളിപ്പെടുത്താത്ത കൊട്ടാരം ഉദ്യോഗസ്ഥര്‍ പറഞ്ഞതായി ജപ്പാനിലെ ക്യോദോ വാര്‍ത്താ ഏജന്‍സി റിപ്പോര്‍ട്ട് ചെയ്തു.