ന്യൂഡല്‍ഹി: ആവേശം സൂപ്പര്‍ ഓവറിലെത്തിയ മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സിനെ പരാജയപ്പെടുത്തി ഡല്‍ഹി ക്യാപിറ്റല്‍സ് തങ്ങളുടെ രണ്ടാം ജയം സ്വന്തമാക്കി.
സൂപ്പര്‍ ഓവറില്‍ ആദ്യം ബാറ്റ് ചെയ്ത ഡല്‍ഹി 10 റണ്‍സ് നേടി. 11 റണ്‍സ് വിജയലക്ഷ്യം പി ന്തുടര്‍ന്ന കൊല്‍ക്കത്തക്ക് ഏഴ് റണ്‍സ് നേടാനെ കഴിഞ്ഞുള്ളൂ.
നേരത്തെ ആന്ദ്രേ റസലിന്റെ ബാറ്റിങ് മികവി ല്‍ കൊല്‍ക്കത്ത എട്ട് വിക്കറ്റ് നഷ്ടത്തില്‍ 185 റണ്‍സെടുത്തു. മറുപടി ബാറ്റിങ്ങിനിറങ്ങിയ ഡല്‍ഹിക്ക് ആറ് വിക്കറ്റ് നഷ്ടത്തില്‍ 185 റണ്‍സെടുക്കാനെ കഴിഞ്ഞുള്ളൂ. ഇതോടെ മത്സരം സൂപ്പര്‍ ഓവറിലേക്ക് നീങ്ങുകയായിരുന്നു.
ആന്ദ്രെ റസലിന്റെയും (62), ക്യാപ്റ്റന്‍ ദിനേഷ് കാര്‍ത്തികിന്റെയും (50) തകര്‍പ്പന്‍ ഇന്നിങ്‌സുകളാണ് കെ.കെ.ആറിനെ ശക്തമായ നിലയിലെത്തിച്ചത്.
ഒരു ഘട്ടത്തില്‍ ബാറ്റിങ് തകര്‍ച്ച നേരിട്ട കെ.കെ.ആറിനെ ഇരുവരും ചേര്‍ന്നാണ് കരക്കെത്തിച്ചത്. 28 പന്തില്‍ ആറു ബൗ@ണ്ടറികളും നാലു സിക്‌സറുമടക്കമാണ് റസല്‍ 62 റണ്‍സ് വാരിക്കൂട്ടിയത്. കാര്‍ത്തികിന്റെ ഇന്നിങ്‌സില്‍ അഞ്ചു ബൗണ്ട@റികളും ര@ണ്ടു സിക്‌സറുമുള്‍പ്പെട്ടിരുന്നു. അഞ്ചിന് 61 റണ്‍സെന്ന നിലയില്‍ ഒരു ഘട്ടത്തില്‍ കെ.കെ.ആര്‍ പതറിയെങ്കിലും റസല്‍ കാര്‍ത്തിക് -ജോടി 95 റണ്‍സ് കൂട്ടിച്ചേര്‍ത്ത് ടീമിനെ രക്ഷിക്കുകയായിരുന്നു.
മറുപടി ബാറ്റിങ്ങിനിറങ്ങിയ ഡല്‍ഹിക്ക് സ്‌കോര്‍ 27ല്‍ നില്‍ക്കെ ശിഖര്‍ ധവാനെ നഷ്ടമായെങ്കിലും പിന്നീടൊത്തു ചേര്‍ന്ന പൃഥി ഷാ - ശ്രേയസ് അയര്‍ സഖ്യം മികച്ച പ്രകടനം പുറത്തെടുത്തതോടെ സ്‌കോര്‍ അനായാസം 100 കടന്നു. ശ്രേയസ് 32 പന്തില്‍ 43 റണ്‍സെടുത്ത് പുറത്തായി.
55 പന്തില്‍ 12 ഫോറും 3 സിക്‌സും സഹി തം വെടിക്കെട്ട് ബാറ്റിങ് പുറത്തെടുത്ത പൃ ഥി ഷാ സെഞ്ചുറിക്ക് ഒരു റണ്‍സ് അകലെയാണ് പുറത്തായത്. ജയത്തോടെ മൂന്ന് മത്സരത്തില്‍ രണ്ട് ജയവും ഒരു തോല്‍വിയുമടക്കം നാല് പോയിന്റു മായി രണ്ടാം സ്ഥാനത്താണ് ഡല്‍ഹി.
തോറ്റെങ്കിലും പട്ടികയില്‍ ഒന്നാം സ്ഥാനത്താണ് കൊല്‍ക്കത്ത.