എടപ്പാള്‍: സുരക്ഷാഭിത്തിയില്ലാത്ത കലുങ്കിലേക്ക് നിയന്ത്രണം നഷ്ടപ്പെട്ട കാര്‍ ഇടിച്ചുകയറി. ഇന്നലെ രാവിലെ എടപ്പാള്‍ കണ്ണഞ്ചിറയിലാണ് സംഭവം. അപകടത്തില്‍ ആര്‍ക്കും പരിക്കില്ല. കുറ്റിപ്പുറത്ത് നിന്ന് തൃശൂര്‍ ഭാഗത്തേക്ക് പോകുകയായിരുന്നു കുടുംബം സഞ്ചരിച്ച ഇയോണ്‍ കാര്‍ നിയന്ത്രണം നഷ്ടപ്പെട്ട് ചാടുകയായിരുന്നു.
ദിവസങ്ങള്‍ക്ക് മുമ്പ് ഇതേ സ്ഥലത്ത് നിയന്ത്രണം നഷടപ്പെട്ട കാര്‍ കലുങ്കും ചാടിക്കടന്ന് തൊട്ടടുത്ത കടയിലേക്ക് കയറി ഒരാള്‍ക്ക് പരിക്കേല്‍ക്കുകയും കടയുടമയ്ക്ക് ലക്ഷങ്ങളുടെ നാശനഷ്ടം സംഭവിക്കുകയും ചെയ്തിരുന്നു.സംസ്ഥാന പാതയില്‍ എടപ്പാള്‍ മേഖലയില്‍ സുരക്ഷാ ഭിത്തിയില്ലാത്ത താഴ്ചയേറിയ ഭാഗങ്ങള്‍ നിരവധിയാണ്.