ഗൂഡല്ലൂര്‍: മുതുമല സങ്കേതത്തിലെ സീഗൂര്‍ വനത്തിലെ വെള്ളച്ചാട്ടത്തിനടുത്തുള്ള പുഴയില്‍ കടുവയുടെ ജഡം കണ്ടെത്തി.
വനത്തില്‍ റോന്ത് ചുറ്റുകയായിരുന്ന വനപാലകരാണ് അഴുകിയ നിലയില്‍ കടുവയുടെ ജഡം കണ്ടത്. വിവരമറിഞ്ഞ് മുതുമല കടുവാ സങ്കേതം ഡെപ്യൂട്ടി ഡയറക്ടര്‍ പുഷ്പാകരന്‍, വെറ്ററിനറി ഡോക്ടര്‍മാരായ രഞ്ജിത്, കോശലവന്‍, റെയ്ഞ്ചര്‍ സെല്‍വന്‍ തുടങ്ങിയവര്‍ സ്ഥലത്തെത്തി പരിശോധന നടത്തി. കടുവയുടെ ആന്തരികാവയവങ്ങള്‍ എടുത്ത് വിദഗ്ധ പരിശോധനക്കയച്ചിട്ടുണ്ട്. പരിശോധനാ ഫലം ലഭിച്ചാലെ കടുവ എങ്ങനെ ചത്തതെന്ന് വ്യക്തമാകുകയൊള്ളുവെന്ന് വനം വകുപ്പ് ഉദ്യോഗസ്ഥര്‍ പറഞ്ഞു.