അരൂര്‍: എമല്ലൂരില്‍ ഓട്ടോക്ക് പിന്നില്‍ മിനിലോറി ഇടിച്ച് ഓട്ടോ ഡ്രൈവര്‍ക്കും രണ്ട് യാത്രക്കാര്‍ക്കും പരുക്കേറ്റു. ഓട്ടോ ഡ്രൈവര്‍ നാലുകുളങ്ങര പുത്തന്‍വീട്ടില്‍ റഫീക്ക് (34), യാത്രക്കാരായ എഴുപുന്ന നികര്‍ത്തില്‍ വീട്ടില്‍ ശശിധരന്‍ (67), ഭാര്യ ലളിത (62) എന്നിവര്‍ക്കാണ് പരുക്കേറ്റത്. ഇവരെ സമീപത്തുള്ള മോഹം ആശുപത്രിയില്‍ പ്രഥമ ശുശ്രൂഷ നല്‍കി എറണാകുളത്തെ സ്വകാര്യാശുപത്രിയിലേക്ക് മാറ്റി. തെക്ക് നിന്ന് വടക്കോട്ട് പോകുകയായിരുന്ന ഓട്ടോക്ക് പിന്നില്‍ എണാകുളം ഭാഗത്തേക്ക് പോകുകയായിരുന്ന മിനിലോറി ഇടിക്കുകയായിരുന്നു. ദേശീയപാതയില്‍ ഇന്നലെ രാവിലെ പതിനൊന്ന് മണിക്ക് എരമല്ലൂര്‍ മോഹം ആശുപത്രിക്ക് സമീപമായിരുന്നു അപകടം.