കുറ്റ്യാടി: ജീവകാരുണ്യ ജനക്ഷേമ രംഗത്ത് ബഹ്‌റൈന്‍ കെ.എം.സി.സി നടത്തുന്ന പ്രവര്‍ത്തനങ്ങള്‍ മാതൃകാപരമാണെന്ന് പാണക്കാട് മുനവ്വറലി ശിഹാബ് തങ്ങള്‍ പറഞ്ഞു. ബഹ്‌റൈന്‍ കെ.എം.സി.സി വേളം പഞ്ചായത്ത് കമ്മിറ്റി തീക്കുനിയില്‍ സംഘടിപ്പിച്ച സി.കെ കുഞ്ഞമ്മദ് സ്മാരക അവാര്‍ഡ് ദാനചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
കുന്നോത്ത് അമ്മദ് ഹാജിയും മുന്നൂല്‍ മമ്മു ഹാജിയും അവാര്‍ഡ് ഏറ്റുവാങ്ങി. സി.എം കുഞ്ഞബ്ദുല്ല ജിലാനി അധ്യക്ഷനായി. സംസ്ഥാന മുസ്‌ലിം ലീഗ് വൈസ് പ്രസിഡന്റ് സി. മോയിന്‍കുട്ടി, പാറക്കല്‍ അബ്ദുല്ല എം.എല്‍.എ, അഡ്വ. ഫൈസല്‍ ബാബു, വി.കെ അബ്ദുല്ല, ശംസുദ്ദീന്‍ വെള്ളികുളങ്ങര, പുത്തൂര്‍ മുഹമ്മദാലി, പി.കെ ബഷീര്‍ മാസ്റ്റര്‍, വി. അമ്മദ് മാസ്റ്റര്‍, കെ.സി മുജീബ്‌റഹ്മാന്‍, എം.എ കുഞ്ഞബ്ദുല്ല പ്രസംഗിച്ചു.