കൊല്ലം: അന്തര്‍ദേശീയ സഹകരണ ദിനാഘോഷത്തിന്റെ ഭാഗമായ ജില്ലാതല പരിപാടികള്‍ നാളെ രാവിലെ 10ന് ആനന്ദവല്ലീശ്വരം ഗംഗ ഓഡിറ്റോറിയത്തില്‍ എം. നൗഷാദ് എം.എല്‍.എ ഉദ്ഘാടനം ചെയ്യും. എന്‍.എസ് സഹകരണ ആശുപത്രി പ്രസിഡന്റ് പി. രാജേന്ദ്രന്‍ അധ്യക്ഷനാകും. ജി.എസ് ജയലാല്‍ എം.എല്‍.എ സ്റ്റാമ്പ് വിതരണോദ്ഘാടനം നിര്‍വഹിക്കും. കൊല്ലം അര്‍ബന്‍ ബാങ്ക് പ്രസിഡന്റ് സി.വി പത്മരാജന്‍ മുഖ്യപ്രഭാഷണം നടത്തും. സുസ്ഥിര സമൂഹം സഹകരണത്തിലൂടെ എന്ന വിഷയത്തിലുള്ള സെമിനറില്‍ പി.എസ്.സി മുന്‍ ചെയര്‍മാന്‍ എം. ഗംഗാധരക്കുറുപ്പ്, സഹകരണസംഘം ജോയിന്റ് രജിസ്ട്രാര്‍ എ.എസ് ഷീബാ ബീവി, അസിസ്റ്റന്റ് രജിസ്ട്രാര്‍ ബി.എസ് പ്രവീണ്‍ദാസ് പങ്കെടുക്കും.