പള്ളിക്കല്‍: സഹപാഠിക്കൊരു വീട് എന്ന പദ്ധതിയുടെ ഭാഗമായി പള്ളിക്കല്‍ എ.എം.യു.പി സകൂളിലെ വിദ്യാര്‍ഥി കൂട്ടായ്മയില്‍ സ്വരൂപിച്ചുïാക്കിയ തുക ചെലവഴിച്ച് നിര്‍മിച്ച സ്‌നേഹവീടിന്റെ സമര്‍പ്പണം സ്‌കൂളില്‍ നടന്ന ചടങ്ങില്‍ കാലിക്കറ്റ് സര്‍വകലാശാലാ വൈസ് ചാന്‍സിലര്‍ ഡോ.കെ മുഹമ്മദ് ബഷീര്‍ നിര്‍വഹിച്ചു. വര്‍ഷങ്ങളായി വാടക വീട്ടില്‍ താമസിച്ച് വരുന്ന നിര്‍ധന കുടുംബത്തില്‍പെട്ട സ്‌കൂളിലെ വിദ്യാര്‍ഥിക്കാണ് വീട് നിര്‍മിച്ചുനല്‍കിയത്. വിദ്യാര്‍ഥിയുടെ മാതാവ് ഇതേ സ്‌കൂളില്‍ ഭക്ഷണമുïാക്കുന്ന ജീവനക്കാരിയാണ്. വിദ്യാലയ നവീകരണത്തിന്റെ ഭാഗമായി ഇന്റര്‍ലോക്ക് ചെയ്ത വിശാലമായ സ്‌കൂള്‍ മുറ്റത്തിന്റെ ഉദ്ഘാടനം പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴസണ്‍ വഹീദാ ബാനു നിര്‍വഹിച്ചു.
ഏറ്റവും മികച്ച വിദ്യാര്‍ഥികള്‍ക്കുള്ള സ്‌കോളര്‍ഷിപ്പ് വിതരണം കൊïോട്ടി ഉപജില്ലാ വിദ്യാഭ്യാസ ഓഫിസര്‍ ആഷിഷ് നിര്‍വഹിച്ചു. ഈ അക്കാദമി വര്‍ഷം വിരമിക്കുന്ന അധ്യാപകരായ കാര്‍ത്ത്യായനി, മാത്യു എന്നിവര്‍ക്കുള്ള ഉപഹാര സമര്‍പ്പണവും വേദിയില്‍ നടത്തി. പി.ടി.എ പ്രസിഡന്റ് പി അബ്ദുല്‍ അസീസ് അധ്യക്ഷനായി. എച്ച്.എം പി.കെ സലീമ, മുത്തുക്കോയ തങ്ങള്‍, പി അനില്‍കുമാര്‍, പി.എം വേണു ഗോപാല്‍, സി സൈതലവി, കെ.പി അലി അസ്‌ക്കര്‍, ഒ മുഹമ്മദ് അഷ്‌റഫ്, ഹുദാ പര്‍വീണ്‍ സംസാരിച്ചു.