ന്യൂഡല്‍ഹി: കശ്മീര്‍ പുല്‍വാമയില്‍ ഭീകരരുമായുള്ള ഏററുമുട്ടലില്‍ ഒരു സി.ആര്‍.പി.എഫ് ജവാന് വീരമൃത്യു. രണ്ട് ഭീകരരെ സുരക്ഷാസേന വധിച്ചു. മേഖലയില്‍ ഏറ്റുമുട്ടല്‍ തുടരുകയാണ്. സി.ആര്‍.പി.എഫ് ഹെഡ് കോണ്‍സ്റ്റബിളാണ് മരിച്ചത്.

തെക്കന്‍ കശ്മീരിലെ പുല്‍വാമ ജില്ലയില്‍ ബാന്‍സൂ മേഖലയില്‍ ചൊവ്വാഴ്ച പുലര്‍ച്ചെയാണ് ഏറ്റുമുട്ടലുണ്ടായത്. സംഭവസ്ഥലത്തുനിന്ന് ആയുധങ്ങളും കണ്ടെത്തിയിട്ടുണ്ട്.

ഈ മാസം വിവിധ ഏറ്റുമുട്ടലുകളിലായി 30ലധികം തീവ്രവാദികളാണ് കൊല്ലപ്പെട്ടത്.