കൊച്ചി: സഭയെ സഹായിച്ചവരെ തിരിച്ചും സഹായിക്കുമെന്ന് യാക്കോബായ സഭ. വിശ്വാസികള്‍ തങ്ങളുടെ സമ്മതിദാനാവകാശം വിനിയോഗിക്കാന്‍ കരുതലുള്ളവരായിരിക്കണമെന്നും ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ ബാവ ആഹ്വാനം ചെയ്തു.
സമീപകാലത്ത് സഭയ്ക്ക് നേരിടേണ്ടിവന്ന പ്രതിസന്ധികളില്‍ പിണറായി സര്‍ക്കാര്‍ നീതിപൂര്‍വ്വമായ സമീപനമാണ് കൈക്കൊണ്ടത്. തെരഞ്ഞെടുപ്പില്‍ എല്ലാ പാര്‍ലമെന്റ് മണ്ഡലങ്ങളിലും സഭാവിശ്വാസികള്‍ യാഥാര്‍ത്ഥ്യങ്ങള്‍ ഉള്‍കൊണ്ട് പ്രവര്‍ത്തിക്കാന്‍ കരുതലുള്ളവരായിരിക്കണം.

ഭാരതത്തിന്റെ മതേതരത്വം സംരക്ഷിക്കപ്പെടാനും രാജ്യത്തെ പുരോഗതിയിലേക്ക് നയിക്കാനും പ്രാപ്തരായവരെ തെരഞ്ഞെടുക്കാന്‍ ശ്രദ്ധിക്കണമെന്നും ശ്രേഷ്ഠ ബാവ ആഹ്വാനം ചെയ്തു.