മലപ്പുറം: സമ്പൂര്‍ണ സാക്ഷരതാ പ്രഖ്യാപന വാര്‍ഷികാഘോഷങ്ങളുടെ ജില്ലാതല ഉദ്ഘാടനം ഇന്നു ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിക്കും. സാഹിത്യകാരന്‍ മണമ്പൂര്‍ രാജന്‍ബാബു മുഖ്യാതിഥിയാകും.
രാവിലെ 10.30ന് ആരംഭിക്കുന്ന ചടങ്ങില്‍ ജില്ലാപഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍, സ്റ്റാന്‍ഡിങ് കമ്മിറ്റി ചെയര്‍മാന്‍മാരായ വി. സുധാകരന്‍, ഉമ്മര്‍ അറക്കല്‍, ഹാജറുമ്മ, അനിതാ കിഷോര്‍ തുടങ്ങിയവര്‍ പങ്കെടുക്കും.