ഹിദായ നഗര്‍ (ചെമ്മാട്): മിഅ്‌റാജ് ദിനത്തോടനുബന്ധിച്ച് വര്‍ഷംതോറും ദാറുല്‍ഹുദാ ഇസ്‌ലാമിക് സര്‍വകലാശാലാ കാംപസില്‍ നടത്താറുള്ള പ്രാര്‍ഥനാ സമ്മേളനം ഇന്ന് വാഴ്‌സിറ്റി കാംപസില്‍ നടക്കും.

മഗ്‌രിബ് നിസ്‌കാരാനന്തരം നടക്കുന്ന പ്രാര്‍ഥനാ സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ദാറുല്‍ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനാകും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി പ്രാര്‍ഥന നിര്‍വഹിക്കും. പി.എ അലവിക്കുട്ടി ഹുദവി മുണ്ടംപറമ്പ് മിഅ്‌റാജ് പ്രഭാഷണം നടത്തും. സമസ്ത കേന്ദ്ര മുശാവറാംഗം വാവാട് കുഞ്ഞിക്കോയ മുസ്‌ലിയാര്‍ ദിക്‌റ് ദുആക്ക് നേതൃത്വം നല്‍കും. വി.പി അബ്ദുല്ലക്കോയ തങ്ങള്‍ മമ്പുറം, ബാപ്പു തങ്ങള്‍, എ. മരക്കാര്‍ മുസ്‌ലിയാര്‍, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, കാടേരി മുഹമ്മദ് മുസ്‌ലിയാര്‍, കാളാവ് സൈദലവി മുസ്‌ലിയാര്‍, അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ തുടങ്ങിയവര്‍ സംബന്ധിക്കും.
വൈകിട്ട് അസര്‍ നിസ്‌കാരാനന്തരം ഖുര്‍ആന്‍ പാരായണവും ഖത്തം ദുആ സദസും നടക്കും.കോഴിക്കോട് വലിയ ഖാസി സയ്യിദ് അബ്ദുന്നാസ്വിര്‍ ഹയ്യ് ശിഹാബ് തങ്ങള്‍ നേതൃത്വം നല്‍കും.