ഇരിട്ടി: ഇരിട്ടി മേഖലയിലും ഡെങ്കിപ്പനി റിപ്പോര്‍ട്ട് ചെയ്തതിനെത്തുടര്‍ന്നു ഇരിട്ടി സ്റ്റേഷന്‍ പരിസരം പൊലിസുകാര്‍ ശുചീകരിച്ചു. കഴിഞ്ഞദിവസം ആരോഗ്യ വകുപ്പും ഇരിട്ടി നഗരസഭയും വാര്‍ത്താസമ്മേളനം വിളിച്ചു ജനങ്ങളും മേഖലയിലെ സ്ഥാപനങ്ങളും ഡെങ്കിപ്പനി വ്യാപനം തടയുന്നതിനാവശ്യമായ മാര്‍ഗ നിര്‍ദേശങ്ങള്‍ മുന്നോട്ടുവച്ചിരുന്നു. ഇതിനെത്തുടര്‍ന്നാണ് പൊലിസ്‌സ്റ്റേഷന്‍ പരിസരത്തെ കാടുകള്‍ വെട്ടിത്തെളിച്ചും കൊതുകുകള്‍ പെരുകാനുള്ള സാഹചര്യം ഒഴിവാക്കുന്നതിനും ആവശ്യമായ ശുചീകരണ പ്രവര്‍ത്തികള്‍ ഇരിട്ടി സ്റ്റേഷനിലെ പൊലിസുകാര്‍ നടത്തിയത്.. എ.എസ്.ഐ ജോസഫ്, സിവില്‍ പൊലിസ് ഉദ്യോഗസ്ഥരായ പി മനോജ്, സജയ്‌ലാല്‍, മനോജ് കാനാട്ട് പങ്കെടുത്തു.