പാലക്കാട്: ഒറ്റപ്പാലം പനമണ്ണയിലുണ്ടായ പ്രാദേശിക തര്‍ക്കത്തിനിടെ എസ്.ഡി.പി.ഐ പ്രവര്‍ത്തകര്‍ വെട്ടിപ്പരുക്കേല്‍പ്പിച്ച യുവാവ് മരിച്ചു. പനമണ്ണ ചക്യാവില്‍ വിനോദാണ് പെരിന്തല്‍മണ്ണയിലെ സ്വകാര്യ ആശുപത്രിയില്‍ ഇന്നലെ പുലര്‍ച്ചെ മരിച്ചത്. പനമണ്ണയിലെ പള്ളിപ്പടിയില്‍ മെയ് 31ന് രാത്രി നടന്ന സംഭവത്തില്‍ വിനോദിനെയും സഹോദരന്‍ രാമചന്ദ്രനെയും എസ്.ഡി.പി.ഐ പ്രവര്‍ത്തകര്‍ അക്രമിക്കുകയായിരുന്നു. രാമചന്ദ്രന്‍ മുന്‍ സംഘ്പരിവാര്‍ പ്രവര്‍ത്തകനായിരുന്നു.