കിഴിശ്ശേരി: ബഷീറിന്റെ കഥാപാത്രങ്ങളെ അവതരിപ്പിച്ച് കുരുന്നുകള്‍. കുഴിമണ്ണ കുഴിയംപറമ്പ് ജി.എല്‍.പി സ്‌കൂളിലെ വിദ്യാര്‍ഥികളാണ് വൈക്കം മുഹമ്മദ് ബഷീര്‍ ചരമദിനത്തോടനുബന്ധിച്ച് അദ്ദേഹത്തിന്റെ കഥാപാത്രങ്ങളെ അവതരിപ്പിച്ചത്. എച്ച്.എം സി.എ സുബ്രഹ്മണ്യന്‍, പി. ഹുസൈന്‍, കെ. റഷീദ്, ഷൈനോജ്, എസ്.ആര്‍.ജി കണ്‍വീനര്‍ ആശ ടീച്ചര്‍ എന്നിവര്‍ നേതൃത്വം നല്‍കി.
ചട്ടിപ്പറമ്പ്: വൈക്കം മുഹമ്മദ് ബഷീറിന്റെ ചരമദിനത്തോടനുബന്ധിച്ച് വട്ടപ്പറമ്പ് എ.എല്‍.പി സ്‌കൂളില്‍ വിവിധ പരിപാടികള്‍ സംഘടിപ്പിച്ചു. ബഷീറിന്റെ കഥാപത്രങ്ങളായ ഉമ്മയും പാത്തുമ്മയും ആടും മാങ്കോസ്റ്റിന്‍ മരച്ചുവട്ടിലെ ബഷീറും സ്‌കൂളില്‍ കുട്ടികളിലൂടെ പുനരാവിഷ്‌ക്കരിച്ചു. പ്രഥമാധ്യാപിക കെ.പി പുഷ്പകുമാരി, വിദ്യാരംഗം കണ്‍വീനര്‍ പി. പ്രതിഭ, അധ്യാപകരായ പി. അബ്ദുല്‍ ഗഫൂര്‍, മിനിമോള്‍ മാത്യു, പി.ടി.എ അംഗങ്ങളായ മച്ചിങ്ങല്‍ മരക്കാര്‍, ഒ.കെ കോയ, സൈഫുന്നിസ, ഉമൈറ തുടങ്ങിയവര്‍ നേതൃത്വം നല്‍കി.