ചെറുകുന്ന്:ബഷീറിന്റെകഥാലോകം വിദ്യാര്‍ഥികള്‍ക്ക് അനുഭവവേദ്യമാക്കാന്‍ ചെറുകുന്ന് ഗേള്‍സ് ഹയര്‍ സെക്കന്‍ഡറി സ്‌ക്കൂളില്‍ വേറിട്ട പരിപാടികള്‍ ഒരുക്കി. ബഷീറിന്റെ എല്ലാ രചനകളും വിദ്യാര്‍ഥികളുടെ ഇഷ്ടത്തിനുസരിച്ച് വായിച്ച് രസിക്കാനുള്ള പ്രത്യേക സംവിധാനമാണ് സ്‌ക്കൂളില്‍ ഒരുക്കിയത്. ഇതോടൊപ്പം ബഷീര്‍ രചനകളുടെ ചിത്രാവിഷ്‌കാരവും ആസ്വാദന പതിപ്പുകളുടെ പ്രദര്‍ശനങ്ങള്‍, ആസ്വാദന ആവിഷ്‌കാരം എന്നിവയും നടന്നു.
കണ്ണപുരം പഞ്ചായത്ത് മുന്‍ പ്രസിഡന്റ് കെ.വി. ശ്രീധരന്‍ ഉദ്ഘാടനം ചെയ്തു. സ്‌ക്കൂള്‍ പ്രധാനധ്യാപകന്‍ ടി.വി വിജയന്‍ അധ്യക്ഷനായി. വി.പി ജ്യോതി ലക്ഷ്മി, സി.വി സുരേഷ് ബാബു, കെ. ശ്രീനിവാസന്‍, പി. ലീന, കെ. അനിത നേതൃത്വം നല്‍കി.