ചെറുതുരുത്തി: മേലേ വെട്ടിക്കാട്ടിരിയില്‍ ബസ് കാത്തിരിപ്പ് കേന്ദ്രത്തിന് സമീപം വിഷപാമ്പുകളുടെ ആവാസ കേന്ദ്രമായി ഭീമന്‍ മരം. കാലപഴക്കം മൂലം ജീര്‍ണാവസ്ഥയിലായ മരം ദുരന്ത ഭീതി ഉയര്‍ത്തുമ്പോള്‍ വലിയ ആശങ്കയോടെ കഴിയുകയാണ് മരം നിലകൊള്ളുന്ന പ്രദേശത്തെ വ്യാപാരികളും, വീട്ടുകാരും. ഭീമന്‍ മരത്തിന് സമീപമാണ് നിരവധി പേര്‍ ബസ് കാത്ത് നില്‍ക്കുന്ന കാത്തിരിപ്പ് കേന്ദ്രമെന്നതും ഭീതിയുടെ ആഴം കൂട്ടുന്നു. മരത്തില്‍ നിന്ന് പാമ്പുകള്‍ താഴേക്ക് പതിക്കുന്നത് ജനങ്ങളില്‍ ഭീതിയിലാക്കുന്നുണ്ട്. ഏത് നിമിഷവും മറിഞ്ഞ് വീഴാവുന്ന അവസ്ഥയിലുള്ള മരം എത്രയും പെട്ടെന്ന് മുറിച്ച് മാറ്റി ജനങ്ങളുടെ ഭീതിയകറ്റണമെന്ന ആവശ്യം ശക്തമാണ്.