മലപ്പുറം: മുസ്‌ലിം ലീഗ് നിയമസഭാ കക്ഷി നേതാവിനെ തെരഞ്ഞെടുക്കുന്നതിനുള്ള പാര്‍ലമെന്ററി പാര്‍ട്ടി യോഗം ഇന്ന് പാണക്കാട്ട് നടക്കും. സംസ്ഥാന പ്രസിഡന്റ് ഹൈദരലി ശിഹാബ് തങ്ങളുടെ വസതിയിലാണ് യോഗം നടക്കുക.
തെരഞ്ഞെടുപ്പ് സംബന്ധിച്ച അവലോകനവും യോഗത്തില്‍ നടക്കും. നിയമസഭാ സമ്മേളനം നടക്കാനിരിക്കുന്നതിനാല്‍ ഇതുസംബന്ധിച്ച കാര്യങ്ങളും യോഗത്തില്‍ ചര്‍ച്ച ചെയ്യും.
പി.കെ കുഞ്ഞാലിക്കുട്ടി രാജിവച്ച ഒഴിവിലേക്ക് വേങ്ങരയില്‍നിന്ന് ആരെ സ്ഥാനാര്‍ഥിയാക്കണമെന്ന് അടുത്തമാസം 13ന് കോഴിക്കോട്ട് നടക്കുന്ന പാര്‍ട്ടി പ്രവര്‍ത്തക സമിതി യോഗത്തില്‍ തീരുമാനമെടുക്കും.