നെടുമങ്ങാട്: സിനിമയില്‍ അഭിനയിപ്പിക്കാമെന്ന് വാഗ്ദാനം നല്‍കി രണ്ടു ആണ്‍കുട്ടികളെ പ്രകൃതിവിരുദ്ധ പീഡനത്തിനിരയാക്കിയ മൂന്നുപേരെ ആര്യനാട് പൊലിസ് അറസ്റ്റു ചെയ്തു.
പള്ളിവേട്ട മരിച്ചിനിവിള വീട്ടില്‍ അഷ്‌റഫ്(51) ,ആര്യനാട് തോളൂര്‍ പെട്രോള്‍ പമ്പിന് സമീപം ഐഷാലയം വീട്ടില്‍ ഷാഹുല്‍ ഹമീദ് (46), പാച്ചല്ലൂര്‍ കിഴക്കേപ്പന്നയില്‍ വീട്ടില്‍ രാഹുല്‍ (23) എന്നിവരെയാണ് ആര്യനാട് എസ്.ഐ ബിനീഷ് ലാലിന്റെ നേതൃത്വത്തിലുള്ള പൊലിസ് സംഘം വ്യാഴാഴ്ച വൈകിട്ടോടെ അറസ്റ്റ് ചെയ്തത്.
സംഭവത്തെ കുറിച്ച് പൊലിസ് പറയുന്നത്. കൊല്ലം തേവരക്കര സ്വദേശികളായ പ്ലസ് ടു വിദ്യാര്‍ഥികളെയാണ് ഇവര്‍ പീഡിപ്പിച്ചത്. ടി.വി സീരിയലില്‍ സഹായികളായ പ്രതികള്‍ കൊല്ലത്തു വച്ചാണ് കുട്ടികളെ പരിചയപ്പെടുന്നത്. സീരിയലില്‍ അഭിനയിക്കാന്‍ താല്‍പര്യമുണ്ടെന്ന് പറഞ്ഞ കുട്ടികളോട് അവസരം വരുമ്പോള്‍ അറിയിക്കാമെന്ന് പറഞ്ഞ് ഫോണ്‍ നമ്പര്‍ വാങ്ങി. കുറച്ച് ദിവസങ്ങള്‍ക്ക് ശേഷം ഫോണില്‍ വിളിച്ച് ആര്യനാട്ടെത്താന്‍ ആവശ്യപ്പെട്ടു.
ആര്യനാട് പളളിവേട്ടയില്‍ അഷ്‌റഫിന്റെ ആളൊഴിഞ്ഞ വീട്ടില്‍ വരുത്തിയ ഇവരെ പ്രകൃതി വിരുദ്ധ പീഡനത്തിനിരയാക്കുകയായിരുന്നു. ഇവിടെ നിന്നും രക്ഷപ്പെട്ട് ഓടിയ കുട്ടികള്‍ വിവരം പരിസരവാസികളെ
അറിയിച്ചു. തുടര്‍ന്ന് പൊലിസെത്തി പ്രതികളെ പിടികൂടുകയായിരുന്നു.ടട