മനാമ: കുവൈത്തില്‍ നടന്ന അന്താരാഷ്ട്ര ഖുര്‍ആന്‍ മത്സരത്തില്‍ രണ്ട് സ്ഥാനങ്ങള്‍ ബഹ്‌റൈന്. ബഹ്‌റൈനില്‍ നിന്ന് പങ്കെടുത്ത മുഹന്ന അഹ്മദ് അസീസി അല്‍ബൂഎൈനാണ് ഒന്നാം സ്ഥാനം. ഖുര്‍ആന്‍ മന:പ്പാഠ മത്സര വിഭാഗത്തിലാണ് മുഹന്നക്ക് ഒന്നാം സ്ഥാനം ലഭിച്ചത്. ഖുര്‍ആന്‍ പാരായണത്തില്‍ രണ്ടാം സ്ഥാനം ലഭിച്ചത് ബഹ്‌റൈന്‍ സ്വദേശിയായ മുഹമ്മദ് സമീര്‍ മുജാഹിദിനാണ്. കഴിഞ്ഞ ദിവസം ബഹ്‌റൈനില്‍ തിരിച്ചെത്തിയ ഇരുവര്‍ക്കും സുന്നി ഔഖാഫിന്റെയും നീതിന്യായ ഇസ്‌ലാമിക കാര്യ മന്ത്രാലയത്തിന്റെയും നേതൃത്വത്തില്‍ സ്വീകരണം നല്‍കി.