മഞ്ചേരി: തെരഞ്ഞെടുപ്പില്‍ ആര്‍ക്കെതിരേയാണ് പോരാടേണ്ടതെന്ന് കോണ്‍ഗ്രസിന് അറിയില്ലെന്നും വയനാട്ടില്‍ രാഹുല്‍ ഗാന്ധിയെ പരാജയപ്പെടുത്തുമെന്നും മുഖ്യമന്ത്രി പിണറായി വിജയന്‍.

മഞ്ചേരിയില്‍ എല്‍.ഡി.എഫ് സ്ഥാനാര്‍ഥി വി.പി സാനുവിന്റെ തെരഞ്ഞെടുപ്പ് കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. വയനാട്ടില്‍ രാഹുല്‍ മത്സരിക്കുന്നത് കോണ്‍ഗ്രസിന്റെ രാഷ്ട്രീയ പാപ്പരത്തമാണ്. ഇടതുപക്ഷ സ്ഥാനാര്‍ഥിയെ പിന്‍വലിക്കാന്‍ ആവശ്യപ്പെടുന്ന മുല്ലപ്പള്ളി ഞങ്ങള്‍ ബി.ജെ.പിയല്ലെന്ന് ഓര്‍ക്കണം.
രാഹുലിനെ ശക്തമായി നേരിടുക തന്നെ ചെയ്യും. ബി.ജെ.പിക്ക് ശക്തിയില്ലാത്ത മണ്ഡലത്തില്‍ ഇടതുപക്ഷത്തോട് മത്സരിക്കുന്നതിലൂടെ തെറ്റായ സന്ദേശമാണ് കോണ്‍ഗ്രസ് കൈമാറുന്നത്. യു.പി.എക്കും എന്‍.ഡി.എക്കും ബദലാക്കുന്ന സര്‍ക്കാരാണ് അധികാരത്തില്‍ വരേണ്ടതെന്നും പിണറായി പറഞ്ഞു.