കോഴിക്കോട്: കാലിക്കറ്റ് സര്‍വകലാശാല അറബി വിഭാഗവും യു.എ.ഇയിലെ ദാറുല്‍ യാസ്മീന്‍ പബ്ലിഷേഴ്‌സും സംയുക്തമായി ദ്വിദിന അന്താരാഷ്ട്ര സെമിനാര്‍ സംഘടിപ്പിക്കുന്നു. ഇ.എം.എസ് സെമിനാര്‍ കോംപ്ലക്‌സില്‍ ഈ മാസം 18, 19 തിയതികളില്‍ നടക്കുന്ന സെമിനാറില്‍ അറബ്- ഇന്ത്യന്‍ സാഹിത്യ വിവര്‍ത്തനങ്ങളെക്കുറിച്ചും ഇന്ത്യയിലെ അറബി അക്കാദമിക പ്രവര്‍ത്തനങ്ങളെക്കുറിച്ചും വിശദമായ ചര്‍ച്ചകള്‍ നടക്കും. കേന്ദ്ര സര്‍വകലാശാലാ വൈസ് ചാന്‍സലര്‍ ഡോ. ജി ഗോപകുമാര്‍ സെമിനാര്‍ ഉദ്ഘാടനം ചെയ്യും. കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ മുഹമ്മദ് ബഷീര്‍ അധ്യക്ഷത വഹിക്കും.