വടകര: അഴിത്തല അഴിമുഖത്ത് തോണി അപകടത്തില്‍ രക്ഷാപ്രവര്‍ത്തനം നടത്തിയവരെ അഴിത്തല ശാഖ മുസ്‌ലിം ലീഗിന്റെ നേതൃത്വത്തില്‍ ആദരിച്ചു. സാന്റ് ബാങ്ക്‌സിലെ ലൈഫ് ഗാര്‍ഡ് പി. ജിതേഷ്, തുരുത്തീമ്മല്‍ റഹ്മത്ത്, തുരുത്തീമ്മല്‍ അശ്‌റഫ്, കാഞ്ഞായി കബീര്‍, സി.സി മന്‍സൂര്‍, പി.പി റയീസ്, എം. ത്വല്‍ഹത്ത് എന്നിവരെയാണ് ആദരിച്ചത്.
പ്രൊഫ. കെ.കെ മഹമൂദ് ഉദ്ഘാടനം ചെയ്തു. സി.പി ഹമീദ് അധ്യക്ഷനായി. എന്‍.എ ബക്കര്‍, ടി.പി.കെ അബ്ദുല്ല, പി.വി അന്‍സാര്‍, പി.വി.സി അഷ്‌റഫ്, പി.വി ഹാഷിം, പോക്കര്‍ വളപ്പില്‍ മഹമൂദ് സംസാരിച്ചു.