മൂത്തശേരില്‍ സജിയെ കഴിഞ്ഞ ദിവസമാണ് പൊലിസ് കസ്റ്റഡിയിലെടുത്തത്
കോട്ടയം : വീടിനുള്ളില്‍ അമ്മയും മകളും മരിച്ച നിലയില്‍ കണ്ടെത്തിയ സംഭവത്തില്‍ അറസ്റ്റിലായ പ്രദേശവാസിയുമായി പൊലിസ് സംഭവസ്ഥലത്ത് തെളിവെടുപ്പ് നടത്തി.
മൂത്തശേരില്‍ സജിയെ കഴിഞ്ഞ ദിവസമാണ് പൊലിസ് കസ്റ്റഡിയിലെടുത്തത്. ഇരുവരെയും സജി ചുറ്റികയ്ക്ക് തലയ്ക്കടിച്ച് കൊലപ്പെടുത്തുകയായിരുന്നെന്ന് പൊലളസ് പറഞ്ഞു.
കഴിഞ്ഞ ഇരുപത്തിയൊന്‍പതിനാണ് കൂട്ടിക്കല്‍ ചാത്തന്‍പ്ലാപ്പള്ളി ചിലമ്പന്‍കുന്നേല്‍ കുട്ടപ്പന്റെ ഭാര്യ തങ്കമ്മ കുട്ടപ്പന്‍(80) മകള്‍ സിനി(45) എന്നിവരെ മരിച്ച നിലയില്‍ കണ്ടെത്തിയത്. പുറത്തറിയുമ്പോള്‍ മൃതദേഹത്തിന് മൂന്നു ദിവസത്തോളം പഴക്കമുണ്ടായിരുന്നു. സജിയും സിനിയും തമ്മില്‍ അടുപ്പത്തിലായിരുന്നു. സിനിയെ വിവാഹം കഴിക്കണെമെന്ന് ആവശ്യപ്പെട്ടങ്കിലും സജി ഒഴിവായി. പൊലിസില്‍ പരാതി നല്‍കുമെന്ന് പറഞ്ഞതോടെ അനുനയിപ്പിക്കാനെന്ന പേരില്‍ വീട്ടിലെത്തിയ സജി കൈയില്‍ കരുതിയ ചുറ്റികകൊണ്ട് ഇരുവരേയും തലയ്ക്കടിച്ച് വീഴ്ത്തുകയായിരുന്നെന്ന് പൊലിസ് പറഞ്ഞു. മരണം ഉറപ്പാക്കിയ ശേഷം സ്ഥലം വിട്ട സജിയെ കഴിഞ്ഞ ദിവസമാണ് പൊലിസ് അറസ്റ്റു ചെയ്തത്.