റിയാദ്: റിയാദിലെ പ്രവാസികൾക്കു ആശ്വാസമായി റിയാദ് കെഎംസിസി തളിപ്പറമ്പ മണ്ഡലവും ധർമ്മടം മണ്ഡലവും സംയുക്തമായി സംഘടിപ്പിച്ച ചാർട്ടേഡ് വിമാനം നാട്ടിലെത്തി. 175 യാത്രക്കാരെയും വച്ച് വഹിച്ച് റിയാദിൽ നിന്നും പുറപ്പെട്ട സ്‌പൈസ് ജെറ്റ് വിമാനം രാത്രിയോടെയാണ് കോഴിക്കോട് എത്തിച്ചേർന്നത്. റിയാദ് തളിപ്പറമ്പ മണ്ഡലം നേതാക്കന്മാരായ മുഹമ്മദ് കണ്ടക്കൈയുടെയും, മുക്താർ പി ടി പി യുടെയും നേതൃത്വത്തിൽ കെഎംസിസി പ്രവർത്തകർ യാത്രക്കാർക്കു സഹായവുമായി റിയാദ് അന്താരാഷ്ട്ര വിമാത്താവളത്തിൽ ഉണ്ടായിരുന്നു.

    വിമാന യാത്ര സേവനങ്ങൾക് ധർമ്മടം മണ്ഡലം കെഎംസിസി പ്രസിഡന്റ് മെഹ്ബൂബ് ചെറിയ വളപ്പ്, കെഎംസിസി നേതാക്കന്മാരായ ഹുസൈൻ കുപ്പം, ഇസ്ഹാഖ് തളിപ്പറമ്പ, നൗഷാദ് ധർമ്മടം, ബുഷർ തളിപ്പറമ്ബ, നജീബ്, റഫീഖ് സി സി, സിറാജ് കൊയ്യോട് എന്നിവരും രംഗത്തുണ്ടായിരുന്നു.