തൃപ്രയാര്‍: വലപ്പാട് പഞ്ചായത്തിലെ പത്തൊമ്പതാം വാര്‍ഡില്‍ കൂരിത്തറ ട്രാന്‍സ്‌ഫോര്‍മറിന് സമീപം പാടം നികത്തുന്നത് കോണ്‍ഗ്രസ് പ്രവര്‍ത്തകര്‍ തടഞ്ഞു. തളിക്കുളം ബ്ലോക്ക് പഞ്ചായത്ത് അംഗം കെ.ജെ യദുകൃഷ്ണയുടെ നേതൃത്വത്തിലാണ് നികത്തല്‍ തടഞ്ഞത്.
വിവരമറിഞ്ഞ് സഥലത്തെത്തിയ വലപ്പാട് പൊലിസ് ലോറികള്‍ കസ്റ്റഡിയെടുത്തു. പാടം നികത്തിയാല്‍ മഴക്കാലത്ത് പ്രദേശത്ത് വെള്ളക്കെട്ട് രൂക്ഷമാകുമെന്ന് സമീപവാസികള്‍ പറയുന്നു.
പാടം മണ്ണിട്ടു നികത്തലിനെതിരേ പഞ്ചായത്തില്‍ പരാതി നല്‍കിയെങ്കിലും നടപടിയുണ്ടായില്ലെന്ന് നാട്ടുകാര്‍ പറഞ്ഞു.
രായംമരക്കാര്‍ വീട്ടില്‍ മജീദിന്റെ ഉടമസ്ഥതയിലാണ് പാടം.