മണ്ണാര്‍ക്കാട്: ചങ്ങലീരി രണ്ട്-മൈല്‍ ജുമാമസ്ജിദ് മഹല്ല് കമ്മിറ്റിയുടെ ആഭിമുഖ്യത്തില്‍ നടത്തുന്ന മതപ്രഭാഷണ പരമ്പര ഇന്ന് മുതല്‍ മൂന്നുദിവസം ചങ്ങലീരി രണ്ടാംമൈല്‍ സി.എച്ച് മിനി സ്റ്റേഡിയത്തില്‍ (മര്‍ഹൂം ശൈഖുനാ കോയക്കുട്ടി ഉസ്താദ്) നഗറില്‍  നടക്കും. സ്ഥലം ഖതീബ് ഉമര്‍ ഫൈസിയുടെ അധ്യക്ഷതയില്‍ പാണക്കാട് സയ്യിദ് ശമീറലി ശിഹാബ് തങ്ങള്‍ ഉദ്ഘാടനം ചെയ്യും. ഹബീബ് ഫൈസി കോട്ടോപ്പാടം, നിസാബുദ്ധീന്‍ ഫൈസി എന്നിവര്‍ ആമുഖ പ്രഭാഷണം നടത്തും.
മുഖ്യ പ്രഭാഷണം പ്രഗത്ഭ വാഗ്മിയും യുവപണ്ഡിതനുമായ സിംസാറുല്‍ ഹഖ് ഹുദവി മുഖ്യപ്രഭാഷണം നടത്തും. ഞായറാഴ്ച എസ്.കെ.ജെ.എം പ്രസിഡന്റ് സി.കെ.എം സ്വാദിഖ് മുസ്‌ലിയാരുടെ അധ്യക്ഷതയില്‍ സമസ്ത പ്രസിഡന്റ് എ.പി. മുഹമ്മദ് മുസ്‌ലിയാര്‍ ഉദ്ഘാടനം ചെയ്യും. ഷൗക്കത്തലി മൗലവി വെള്ളമുണ്ട മുഖ്യപ്രഭാഷണം നടത്തും.
തിങ്കളാഴ്ച്ച ഇബ്‌റാഹീം ഖലീല്‍ ഹുദവി അല്‍ മാലിക്കി കാസര്‍ക്കോട് മുഖ്യപ്രഭാഷണം നടത്തും. ഇമ്പിച്ചിക്കോയ തങ്ങള്‍ കൊടക്കാട് ദുആക്ക് നേതൃത്വം നല്‍കും. മറ്റു മതപണ്ഡിതന്‍മാരും സംബന്ധിക്കും.