എടക്കര: മുപ്പിനി വനമേഖലയില്‍ മാലിന്യം തള്ളുന്നതിനിടയില്‍ ഒരാള്‍ പിടിയില്‍. ബൈക്കിലെത്തി മാലിന്യം തള്ളുന്നതിനിടയിലാണ് ഇന്നലെ രാവിലെ ആറരയോടെയാണ് സംഭവം. മുപ്പിനിവനമേഖലയില്‍ രാത്രി കാലങ്ങളിലും മറ്റുമായി എത്തി മാലിന്യം തള്ളുന്നത് പതിവായിരുന്നു. ഇതേത്തുടര്‍ന്ന് മാലിന്യം തള്ളുന്നവരെ പിടികൂടാന്‍ ശക്തമായ നിരീക്ഷണം ഒരുക്കിയിരുന്നു. പൊലിസും പഞ്ചായത്ത് ശുചീകരണ തൊഴിക്കളികളുമാണ് മാലിന്യം തള്ളിയവരെ പിടികൂടിയത് ഇയാളെ താക്കീത് നല്‍കിയ ശേഷം വിട്ടയച്ചു. പ്രദേശത്ത് മാലിന്യം തള്ളുന്നതിനെതിരേ യുവ കേരള ക്ലബ് മുന്നറിയിപ്പ് ബോര്‍ഡുകള്‍ സ്ഥാപിച്ചിട്ടുണ്ട്.