കോഴിക്കോട്: കേട്ടും കണ്ടും വായിച്ചുമറിഞ്ഞ ഒരു പിടി മാപ്പിളത്തമാശകള്‍ പങ്കുവച്ച് ടൗണ്‍ഹാളില്‍ മാപ്പിളപ്പാട്ടിനെ സ്‌നേഹിക്കുന്നവര്‍ ഒത്തുചേര്‍ന്നു.
സംസ്ഥാന സാംസ്‌കാരിക വകുപ്പും മോയിന്‍കുട്ടി വൈദ്യര്‍ മാപ്പിളകലാ അക്കാദമിയും സംയുക്തമായാണ് 'മാപ്പിളത്തമാശയും പാട്ടിമ്പവും' പരിപാടി സംഘടിപ്പിച്ചത്. രാവിലെ നടന്ന മാപ്പിളത്തമാശയില്‍ തലശേരി, പൊന്നാനി, അരീക്കോട് തുടങ്ങി മലബാറിന്റെ വിവിധ ഭാഗങ്ങളില്‍നിന്നുള്ളവരെത്തി ചിരിയനുഭവങ്ങള്‍ പങ്കുവച്ചു. വൈകിട്ട്് മോയിന്‍കുട്ടി വൈദ്യര്‍ മാപ്പിളകലാ അക്കാദമിയിലെ വിദ്യാര്‍ഥികള്‍ അവതരിപ്പിച്ച 'പാട്ടിമ്പ'ത്തില്‍ മധുവൂറുന്ന മാപ്പിള ഗാനങ്ങളും അരങ്ങേറി.
എം.എന്‍ കാരശ്ശേരി, കെ.വി അബൂട്ടി, പ്രൊഫ. എ.പി സുബൈര്‍, കെ.പി കുഞ്ഞിമ്മൂസ, കെ.സി അബു, സി. ചന്ദ്രന്‍ പൊന്നാനി, കാനേഷ് പൂനൂര്‍, ഫൈസല്‍ എളേറ്റില്‍, ഹൈദരലി പുലിക്കോട്ടില്‍, സലീം മുല്ലവീട്ടില്‍, കുഞ്ഞാലന്‍ കിഴിശ്ശേരി, അബ്ദുല്ലക്കുട്ടി അരീക്കോട്, ആര്‍.കെ രാധാകൃഷ്ണന്‍ സംബന്ധിച്ചു.