ന്യൂഡല്‍ഹി: റഷ്യയില്‍ നിന്ന് 33 ആധുനിക രീതിയിലുള്ള യുദ്ധവിമാനങ്ങള്‍ വാങ്ങാന്‍ അനുമതി. അതിര്‍ത്തിയില്‍ സംഘര്‍ഷം തുടരുന്ന സാഹചര്യത്തില്‍ 38,900 കോടിയുടെ ഇടപാടിനാണ് പ്രതിരോധമന്ത്രാലയം അനുമതി നല്‍കിയത്.

12 സുഖോയ് 30 വിമാനങ്ങളും 21 മിഗ് 29 എസ് വിമാനങ്ങളും വാങ്ങും. മിഗ് വിമാന ഇടപാടിന് 7,418 കോടി രൂപയും സുഖോയ് ഇടപാടിന് 10,730 കോടിയുമാണ് ചെലവ്. വ്യോമസേനയാണ് യുദ്ധവിമാനങ്ങള്‍ വാങ്ങാനുള്ള നിര്‍ദേശം സമര്‍പ്പിച്ചത്.

വ്യോമസേനയ്ക്കും നാവിക സേനയ്ക്കുമായി 248 അസ്ട്ര ബിയോണ്ട് വിഷ്വല്‍ റേഞ്ച് എയര്‍ ടൈം എയര്‍ മിസൈലുകള്‍ വാങ്ങാനും മന്ത്രാലയം അനുമതി നല്‍കി. നാവികസേനയ്ക്ക് ദീര്‍ഘദൂര ക്രൂയിസ് മിസൈലുകള്‍ വികസിപ്പിക്കാനുള്ള നടപടിക്കും മന്ത്രാലയം അനുമതി നല്‍കിയിട്ടുണ്ട്.