കോഴിക്കോട്: ജീവിതത്തിലുടനീളം സത്യസന്ധത പുലര്‍ത്തി ലളിതജീവിതം നയിച്ച കെ.എ കേരളീയന്‍ പൊതുപ്രവര്‍ത്തകര്‍ക്കു മാതൃകയാണെന്നു നിയുക്ത രാജ്യസഭാ എം.പി ബിനോയ് വിശ്വം. കെ.എ കേരളീയന്‍ സ്മാരക സമിതിയും എം.എസ് സ്വാമിനാഥന്‍ റിസര്‍ച്ച് ഫൗണ്ടേഷനും പറമ്പില്‍ ബസാര്‍ എ.എം.എല്‍.പി സ്‌കൂളില്‍ സംഘടിപ്പിച്ച കെ.എ കേരളീയന്‍ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. സി.പി.ഐ ജില്ലാ സെക്രട്ടറി ടി.വി ബാലന്‍ അധ്യക്ഷനായി.
എന്‍.സി മമ്മൂട്ടി സ്മാരക എന്‍ഡോവ്‌മെന്റ് പ്രഭാതം വായനശാലയ്ക്ക് ബിനോയ് വിശ്വം സമ്മാനിച്ചു. സി. അശോകന്‍ ഏറ്റുവാങ്ങി. ടി.കെ വിജയരാഘവന്‍, കെ.കെ പ്രദീപ്കുമാര്‍, പി.ടി സുരേഷ് സംസാരിച്ചു.
കാര്‍ഷിക സെമിനാര്‍ എം.എസ് സ്വാമിനാഥന്‍ റിസര്‍ച്ച് ഫൗണ്ടേഷന്‍ സീനിയര്‍ ഡയറക്ടര്‍ ഡോ.എന്‍ അനില്‍കുമാര്‍ ഉദ്ഘാടനം ചെയ്തു. ഐ.വി ശശാങ്ക് അധ്യക്ഷനായി. തൊഴില്‍ പരിശീലനത്തിന്റെ ഉദ്ഘാടനം പി. അപ്പുക്കുട്ടന്‍ നിര്‍വഹിച്ചു.