കല്‍പ്പറ്റ: തദ്ദേശ സ്വയംഭരണ സ്ഥാപനങ്ങളിലെ ഹരിത കേരളം മിഷന്‍ കോഡിനേറ്റര്‍മാര്‍ക്കുള്ള ഏകദിന ശില്‍പശാല ഇന്ന് നടക്കും.
രാവിലെ 10 മുതല്‍ വൈകിട്ട് നാലു വരെ ജില്ലാ ആസൂത്രണ ഭവനിലെ ഡോ. എ.പി.ജെ അബ്ദുല്‍ കലാം മെമ്മോറിയല്‍ ഹാളിലാണ് ശില്‍പശാല. ജില്ലാ പഞ്ചായത്ത് പ്രസിഡന്റ് കെ.ബി നസീമ ഉദ്ഘാടനം ചെയ്യും. ജില്ലയില്‍ മിഷന്റെ പ്രവര്‍ത്തനങ്ങള്‍ കാര്യക്ഷമമായി നടപ്പിലാക്കുന്നതിനും പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി പഞ്ചായത്തുകളില്‍ അസിസ്റ്റന്റ് സെക്രട്ടറിമാര്‍ഹെഡ്ക്ലര്‍ക്കുമാര്‍ക്കും, ബ്ലോക്ക്പഞ്ചായത്തുകളില്‍ ജനറല്‍ എക്സ്റ്റന്‍ഷന്‍ ഓഫിസര്‍മാര്‍ക്കും, നഗരസഭകളില്‍ ഹെല്‍ത്ത് ഇന്‍സ്‌പെക്ടര്‍ഹെല്‍ത്ത് സൂപ്പര്‍ വൈസര്‍മാര്‍ക്കും കോഡിനേറ്റര്‍മാരായി ചുമതല നല്‍കിയിരുന്നു. ഇവരാണ് ശില്‍പശാലയില്‍ പങ്കെടുക്കേണ്ടത്.