തിരുവനന്തപുരം: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി വിജയിപ്പിക്കണമെന്നും അദ്ദേഹത്തെ രാജ്യത്തിന്റെ പ്രധാനമന്ത്രിയാക്കണമെന്നും ആവശ്യപ്പെട്ട് മലയാളത്തിലെ പ്രശസ്ത എഴുത്തുകാരി എം. ലീലാവതിയുടെ കവിത.
ഭക്തകവി പൂന്താനത്തിന്റെ പ്രശസ്തമായ ജ്ഞാനപ്പാന ചൊല്ലുന്ന അതേ ഈണത്തിലാണ് കവിത തയാറാക്കിയിരിക്കുന്നത്. ആര്‍ക്കുവേണമെങ്കിലും ആലപിക്കാം.
രാഹുല്‍ ഗാന്ധി അധികാരത്തില്‍ എന്തുകൊണ്ട് വരണമെന്നതിന്റെ ആവശ്യകതയെക്കുറിച്ചാണ് കവിത.
എല്ലാവര്‍ക്കും തുല്യനീതി ലഭിക്കുവാന്‍ രാഹുലിനെ വിജയിപ്പിക്കണമെന്ന് ആഹ്വാനം ചെയ്താണ് കവിത അവസാനിക്കുന്നത്. എന്നാല്‍ കവിതയിലൂടെ പബ്ലിസിറ്റി ആഗ്രഹിക്കുന്നില്ലെന്നും ഏതെങ്കിലും രാഷ്ട്രീയ പാര്‍ട്ടിക്ക് വേണ്ടിയല്ല താന്‍ കവിത എഴുതിയതെന്നും ലീലാവതി ടീച്ചര്‍ വ്യക്തമാക്കുന്നുണ്ട്. ഇക്കാര്യത്തില്‍ മറ്റ് ചര്‍ച്ചകള്‍ക്ക് പ്രസക്തിയില്ല.
രാജീവ് ഗാന്ധി പ്രധാനമന്ത്രിയായിരുന്നപ്പോള്‍ തന്നെ പാര്‍ലമെന്റിലേക്ക് മത്സരിക്കാന്‍ ക്ഷണിച്ചതിനുളള കടപ്പാടാണ് രാജീവ് ഗാന്ധിയുടെ മകന്‍ രാഹുല്‍ ഗാന്ധിക്കായുളള കവിത എന്നും ലീലാവതി ടീച്ചര്‍ പറയുന്നു.