കുമ്പള: കുണ്ടങ്കരടുക്കയില്‍ എക്‌സൈസ് സംഘം നടത്തിയ വാഹന പരിശോധനക്കിടെ 95 കുപ്പി ഗോവന്‍ നിര്‍മിത മദ്യവുമായി യുവാവ് പിടിയില്‍. കുണ്ടങ്കറടുക്കയിലെ നവീന്‍ കുമാറാ(35)ണ് അറസ്റ്റിലായത്.
മാരുതി ആള്‍ട്ടോ കാറില്‍ കടത്തുകയായിരുന്ന വിദേശമദ്യമാണ് നവീന്‍ കുമാറില്‍ നിന്നു പിടിച്ചെടുത്തത്.
എക്‌സൈസ് സംഘത്തില്‍ വി.വി പ്രസന്നകുമാര്‍, പ്രിവന്റിവ് ഓഫിസര്‍ എസ്. ജേക്കബ്, സിവില്‍ എക്‌സൈസ് ഓഫിസര്‍മാരായ ടി.കെ സജിത്ത് കുമാര്‍, എം. റെനി, എസ്. ലിജു, എം.എല്‍ ജോണി, വനിതാ സിവില്‍ എക്‌സൈസ് ഓഫിസര്‍ ശാലിനി, ഡ്രൈവര്‍ മൈക്കിള്‍ ജോസഫ് എന്നിവരുമുണ്ടായിരുന്നു.