യൂത്ത് ലീഗിന്റെ സമരം ജാള്യത
മറയ്ക്കാന്‍: ഡി.വൈ.എഫ്.ഐ
മുക്കം: മുക്കം മിനിസിവില്‍ സ്റ്റേഷന്‍ പ്രശ്‌നത്തില്‍ യു.ഡി.എഫ് ഭരണകാലത്തെ പിടിപ്പുകേട് മറയ്ക്കാനാണ് യൂത്ത് ലീഗുകാര്‍ എം.എല്‍.എ ഓഫിസിലേക്ക് മാര്‍ച്ച് നടത്തിയതെന്നും ഈ കപട രാഷ്ട്രീയം ജനങ്ങള്‍ തിരിച്ചറിയണമെന്നും ഡി.വൈ.എഫ്.ഐ തിരുവമ്പാടി ബ്ലോക്ക് കമ്മിറ്റി ആവശ്യപ്പെട്ടു. യൂത്ത് ലീഗിന്റെ കപട രാഷ്ട്രീയത്തിനെതിരേ തിരുവമ്പാടി ബ്ലോക്ക് കമ്മറ്റി നേതൃത്വത്തില്‍ മുക്കത്ത് പ്രതിഷേധ പ്രകടനവും രാഷ്ട്രീയ വിശദീകരണ യോഗവും നടത്തി.പ്രതിഷേധ യോഗം ഡി.വൈ.എഫ്.ഐ തിരുവമ്പാടി ബ്ലോക്ക് സെക്രട്ടറി കെ.എസ്. അരുണ്‍കുമാര്‍ ഉദ്ഘാടനം ചെയ്തു. പ്രസിഡന്റ് ദിപു പ്രേംനാഥ്, പ്രജീഷ് നെല്ലിക്കാപ്പൊയില്‍, എ പി ജാഫര്‍ ഷെരീഫ് സംസാരിച്ചു.