ഗുരുവായൂര്‍: വെസ്റ്റ് ഷോര്‍ റോട്ടറി ക്ലബ്ബ് ഗുരുവായൂര്‍ - ചാവക്കാടിന്റെ പുതിയ ഭാരവാഹികള്‍ ഇന്ന് സ്ഥാനമേല്‍ക്കും. വരുംവര്‍ഷം ശുചിത്വസന്ദേശവുമായുള്ള പ്രവര്‍ത്തനങ്ങള്‍ക്ക് ക്ലബ്ബ് മുന്‍തൂക്കം നല്‍കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
2016-17 വര്‍ഷത്തെ നഗരസഭയിലെ ഏറ്റവും ശുചിത്വമുള്ള വാര്‍ഡിനും നഗരത്തിലെ ഏറ്റവും ശുചിത്വമുള്ള റസ്റ്റോറന്റിനും ക്യാഷ് അവാര്‍ഡ് നല്‍കും. റോട്ടറി ക്ലബ്ബ് പ്രസിഡന്റ് കെ.കെ. ഗോവിന്ദദാസ്, സെക്രട്ടറി വി.എസ്. സുനീപ് എന്നിവരും സഹഭാരവാഹികളുമാണ് ഇന്ന് സ്ഥാനമേല്‍ക്കുക. ദേവാങ്കണം റസിഡന്‍സിയില്‍ വൈകിട്ട് 6.30ന് നടക്കുന്ന ചടങ്ങ് ഡോ. ബാബു ജോസഫ് ഉദ്ഘാടനം ചെയ്യും.