പളളുരുത്തി: പ്രദേശത്ത് ഇടിമിന്നലില്‍ വ്യാപക നാശനഷ്ടം. കഴിഞ്ഞദിവസം രാത്രി 7.30 ഓടെയാണ് മഴയോടും വലിയ ശബ്ദത്തോടും കൂടി ഇടിമിന്നലുണ്ടായത്.
ദീപം ജങ്ഷനു സമീപമുള്ള വീടുകളിലാണ് വൈദ്യുത ഉപകരണങ്ങള്‍ കത്തിനശിച്ചത്. ഈ ഭാഗത്തെ തെരുവുവിളക്കുകള്‍ക്ക്  പലതിലും തീപിടിച്ചു. വൈദ്യുതി കമ്പികള്‍ പൊട്ടിവീണു. ടി.വി, ഫ്രിഡ്ജ് , ഫാന്‍, എ.സി ഇവയെല്ലാം നശിച്ചു. ജോണ്‍ പള്ളിപറമ്പില്‍, പള്ളിപറമ്പില്‍ ജോണ്‍ സണ്‍, കുന്നം വീട്ടില്‍ പ്രദീപ്, കൂവത്തറ ശശി, ചെട്ടിക്കാട് ബിജു, കുന്നും വീട്ടില്‍ സാജന്‍, മുള്ളും വേലി ഗോപാലകൃഷ്ണന്‍, പ്രദീപ്, സുരാജ്, പരുത്തിക്കാട് വീട്ടില്‍ സരിത, ചെട്ടിക്കാട് പ്രസാദ്, കുന്നം വീട്ടില്‍ എബി, കളത്തിപറമ്പില്‍ ഗോപാലകൃഷ്ണന്‍ എന്നിവരുടെ വീടുകളിലാണ് ഇലക്ട്രിക് ഉപകരണങ്ങള്‍ നശിച്ചത്.