ചവറ: മോഷ്ടിച്ച ബൈക്കുമായി യുവാവിനെ പൊലിസ് അറസ്റ്റ് ചെയ്തു. കായംകുളം കൃഷ്ണപുരം കൈപ്പള്ളി തറയില്‍ രതീഷി( 24 )നെയാണ് ചവറ എസ്.ഐ ജയകുമാര്‍  അറസ്റ്റ് ചെയ്തത്. ഓച്ചിറ വലിയകുളങ്ങരയിലെ ഒരു കടയില്‍ നിന്നാണ് ഇയാള്‍ പിടിയിലായത്.  പന്മന വടക്കുംതല തെക്കേ പാടം പണിയ്ക്കത്ത് കിഴക്കതില്‍ മുഹമ്മദ് ഷെഹീന്റെ ഉടമസ്ഥതയിലുള്ള ബൈക്കാണ് കണ്ടെടുത്തത്. കഴിഞ്ഞ 18 ന് രാത്രിയില്‍ മുഹമ്മദിന്റെ വീട്ടുമുറ്റത്ത് നിന്നായിരുന്നു ബൈക്ക് മോഷണം പോയത്. രതീഷിനെ കോടതിയില്‍ ഹാജരാക്കി.