കൊട്ടാരക്കര: ചായക്കടയിലെ ഗ്യാസ് സിലിണ്ടറിന് തീ പടര്‍ന്നത് പരിഭ്രാന്തി പരത്തി. ഇന്നലെ വൈകിട്ട്  പുത്തൂര്‍ പാങ്ങോട് കശുവണ്ടി ഫാക്ടറി ജങ്ഷനിലാണ് സംഭവം. സന്തോഷ് ഭവനില്‍ സാംബശിവന്റെ കടയിലായിരുന്നു അപകടം. ദോശയുണ്ടാക്കാനായി സ്റ്റൗ കത്തിക്കുന്നതിനിടയിലാണ് സിലിണ്ടറില്‍ തീ പിടിച്ചത്. ഉടന്‍തന്നെ സിലിണ്ടര്‍ റോഡിലേക്ക് വലിച്ചെറിഞ്ഞതിനാല്‍ അപകടം ഒഴിവായി. തുടര്‍ന്ന് പുത്തൂര്‍ പൊലിസും കൊട്ടാരക്കര നിന്നും ഫയര്‍ഫോഴ്‌സും എത്തിയാണ് തീ കെടുത്തിയത്. അര മണിക്കൂറോളം പുത്തൂര്‍-  ശാസ്താംകോട്ട റോഡില്‍ ഗതാഗതവും തടസപ്പെട്ടു.