ബദിയടുക്ക: എസ്.കെ.എസ്.എസ്.എഫ് ഭാരവാഹിയും മുസ്‌ലിം ലീഗ് പ്രവര്‍ത്തകനുമായ വിദ്യാഗിരി പഞ്ചിക്കല്‍ കന്യാനയിലെ ലത്തീഫ് കന്യാന(35) യെ എ.പി വിഭാഗം പ്രവര്‍ത്തകര്‍ മര്‍ദിച്ചു.
പരുക്കേറ്റ  ലത്തീഫിനെ  കാസര്‍കോട്ടെ  സ്വകാര്യാശുപത്രിയില്‍ പ്രവേശിപ്പിച്ചു. പഞ്ചിക്കല്‍ കന്യാന ബസ് കാത്തിരിപ്പ് കേന്ദ്രത്തില്‍ എ.പി വിഭാഗം പ്രവര്‍ത്തകര്‍  പോസ്റ്റര്‍ പതിക്കുന്നതു കണ്ട ലത്തീഫ് വിവരം പൊലിസിനെ അറിയിച്ചുവെന്നാരോപിച്ചാണ് മര്‍ദിച്ചത്.
ബസ് കാത്തിരിപ്പ് കേന്ദ്രത്തില്‍ പോസ്റ്റര്‍ ഒട്ടിക്കാന്‍ പാടില്ലെന്ന സര്‍വകക്ഷി യോഗ തീരുമാനം ലംഘിക്കുന്നതിനെതിരേ ലത്തീഫ് പ്രതികരിച്ചതാണ് അക്രമത്തിനു കാരണമെന്നും പറയപ്പെടുന്നു.
വീട്ടിലേക്കു നടന്നു പോവുകയായിരുന്ന ലത്തീഫിനെ ബൈക്കിലെത്തിയ നാലംഗ  സംഘം തടഞ്ഞു നിര്‍ത്തുകയും  ഇരുമ്പ് വടികൊണ്ട് മര്‍ദിക്കുകയും ചെയ്യുകയായിരുന്നു. മര്‍ദനത്തില്‍ ലത്തീഫിന്  കണ്ണിനും കൈകാലുകള്‍ക്കും പരുക്കേറ്റു.