നെയ്യാറ്റിന്‍കര : വീട്ടമ്മയെ പീഡിപ്പിച്ച കേസില്‍ സൈനീകനെ കോടതി റിമാഡ് ചെയ്തു. കഴിഞ്ഞ വെളളിയാഴ്ചയാണ് ലീവിനെത്തിയ നെയ്യാറ്റിന്‍കര ഇരുമ്പില്‍ ചാണിക്കുഴി ആര്‍.ജെ നിവാസില്‍ അനുജോയി വീട്ടമ്മയെ പീഡിപ്പിക്കാന്‍ ശ്രമിച്ചത്. വെളളിയാഴ്ച വൈകിട്ട് 5 മണിയോടെ വീട്ടില്‍ ആളില്ലെന്ന് മനസിലാക്കിയ പ്രതി യുവതി കുളിക്കുന്നതിനിടയില്‍ കടന്ന് പിടിക്കുകയും വീട്ടിനുളളില്‍ കൊണ്ട് പോയി പീഡിപ്പാക്കാന്‍ ശ്രമിക്കുകയുമായിരുന്നു. പ്രതിയുമായുളള മല്‍പ്പിടിത്തത്തില്‍ യുവതിക്ക് സാരമായ പരിക്കേല്‍ക്കുകയും നെയ്യാറ്റിന്‍കര ജനറല്‍ ആശുപത്രിയില്‍ ചികിത്സ തേടുകയും ചെയ്യ്തിരുന്നു. യുവതിയുടെ നിലവിളികേട്ട നാട്ടുകാരാണ് നെയ്യാറ്റിന്‍കര ജനറല്‍ ആശുപത്രിയില്‍ എത്തിച്ചത്. സംഭവ ശേഷം പാങ്ങോട് മിലിട്ടറി ആശുപത്രിയില്‍ ചികിത്സ തേടി അനു ജോയിക്കെതിരെ മാരായമുട്ടം പോലീസ് കേസെടുകയും റിപ്പോര്‍ട്ട് മിലിട്ടറിക്ക് കൈമാറുകയും ചെയ്യ്തിരുന്നു, തുടര്‍ന്നാണ് ഇന്നലെ രാവിലെ പാങ്ങോട്ടെ മിലിട്ടറി ഉദ്യോഗസ്ഥരുടെ നേതൃത്വത്തില്‍ അനു ജോയിയെ കോടതിയില്‍ എത്തിക്കുകയും കോടതി അനുജോയിയെ റിമാഡ് ചെയ്യുകയും ചെയ്യ്തത്. 2014 ല്‍ പ്രായ പൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസിലും കഴിഞ്ഞ വര്‍ഷം യുവാവിനെയും ഭാര്യയെയും വീട്ടില്‍ കയറി വെട്ടിപരിക്കേല്‍പ്പിച്ച കേസിലും അനുജോയി പ്രതിയാണ്. കൂടതല്‍ അന്വേഷണത്തിനായി പ്രതിയെ 2 ദിവസത്തിന് ശേഷം പോലീസ് കസ്റ്റെഡിയില്‍ വാങ്ങും.