കോഴിക്കോട് :'വിദ്യാര്‍ഥിത്വം ഉയര്‍ത്തുക' എന്ന മുദ്രാവാക്യമുയര്‍ത്തി ഈ മാസം 30,31 തിയതികളിലായി കണ്ണൂരില്‍ നടക്കുന്ന എം.എസ്.എഫ് സംസ്ഥാന സമ്മേളനത്തിന് തുടക്കംകുറിച്ച് പതാകയും കൊടിമരവും വഹിച്ചുള്ള ജാഥ 27ന് ആരംഭിക്കും. 29നാണ് പതാക ഉയര്‍ത്തല്‍.

പതാക ജാഥയ്ക്ക് ഷമീര്‍ ഇടിയാട്ടേല്‍ (ക്യാപ്റ്റന്‍), മാടാല മുഹമ്മദ് അലി (വൈസ് ക്യാപ്റ്റന്‍), ടി.എ ഫാസില്‍ (ഡയറക്ടര്‍), മുസ്തഫ തങ്ങള്‍ (കോ-ഓര്‍ഡിനേറ്റര്‍) എന്നിവരും കൊടിമര ജാഥയ്ക്ക് അസീസ് കളത്തൂര്‍ (ക്യാപ്റ്റന്‍), സി .എച്ച് ഫസല്‍ (വൈസ് ക്യാപ്റ്റന്‍), സി.കെ മുഹമ്മദലി (ഡയറക്ടര്‍), ഹാരിസ് കരമന (കോ-ഓര്‍ഡിനേറ്റര്‍) എന്നിവരും നേതൃത്വം നല്‍കും. പതാക ജാഥ പാലക്കാട്, മലപ്പുറം, കോഴിക്കോട്, കണ്ണൂര്‍ ജില്ലകളിലും കൊടിമര ജാഥ കാസര്‍കോട്, കണ്ണൂര്‍ ജില്ലകളിലും പര്യടനം നടത്തും. ഇരുജാഥകളും വിജയിപ്പിക്കുവാന്‍ പ്രവര്‍ത്തകര്‍ രംഗത്തിറങ്ങണമെന്ന് എം.എസ്.എഫ് സംസ്ഥാന പ്രസിഡണ്ട് ടി.പി അഷറഫ് അലിയും ജനറല്‍ സെക്രട്ടറി പി.ജി മുഹമ്മദും അറിയിച്ചു.