കൊടുവള്ളി: വാഫി അലുംനി ജില്ലാ കമ്മിറ്റിയുടെ ആഭിമുഖ്യത്തില്‍ കൊടുവള്ളി മണ്ഡലം വാഫി അസോസിയേഷന്‍  കരിയര്‍ ഗൈഡന്‍സും ഹാപ്പി പാരന്റിങ്ങും സംഘടിപ്പിച്ചു.
കൊടുവള്ളി കമ്മ്യൂണിറ്റി ഹാളില്‍ നടന്ന പരിപാടി  സുപ്രഭാതം എക്‌സിക്യുട്ടീവ് എഡിറ്റര്‍ എ.  സജീവന്‍ ഉദ്ഘാടനം ചെയ്തു. കരിയര്‍ ഗൈഡന്‍സ് ക്ലാസിന് കെ.എച്ച് ജറീഷും  ഹാപ്പി പാരന്റിങ്ങിന്  അഹ്മദ് വാഫി കക്കാടും നേതൃത്വം നല്‍കി.
ബാവ ജീറാനി, സി.എം. കെ തങ്ങള്‍  പാലക്കുറ്റി, ഡോ. ഉബൈദ് വാഫി, അലി ഹുസൈന്‍ വാഫി, ഹാഫിള് വാഫി സംസാരിച്ചു. ചടങ്ങില്‍ കേരള സര്‍വകലാശാലയില്‍ നിന്ന് ഡോക്ടറേറ്റ് നേടിയ ഡോ. ഉബൈദ് വാഫി, ഇസ്‌ലാമിക് ചരിത്രം വാഫി പി.ജിയില്‍ രണ്ടാം റാങ്ക് നേടിയ ശമീറലി വാഫി കുറ്റിക്കാട്ടൂര്‍, ഭാഷാ വിഭാഗത്തില്‍ മൂന്നാം റാങ്ക്  നേടിയ മുബശ്ശിര്‍ വാഫി പാഴൂര്‍  എന്നിവരെ ആദരിച്ചു.