കോഴിക്കോട്: നന്തി ദാറുസ്സലാം 43ാം വാര്‍ഷിക സമ്മേളനത്തോടനുബന്ധിച്ച് നടക്കുന്ന ദേശീയ ഹിഫ്‌ളുല്‍ ഖുര്‍ആന്‍ കോംപറ്റീഷനിലേക്കുള്ള ഒഡിഷന്‍ നാളെ രാവിലെ 10 മുതല്‍ ദാറുസ്സലാം കേന്ദ്ര കാംപസില്‍ വച്ച് നടക്കും. വിവിധ സംസ്ഥാനങ്ങളില്‍നിന്നുള്ള നൂറു കണക്കിന് ഹാഫിളുകള്‍ മത്സരത്തില്‍ മാറ്റുരക്കും. തിരഞ്ഞടുക്കപ്പെടുന്ന 20 പേര്‍ക്ക് സമ്മേളനോദ്ഘാടന ദിവസത്തില്‍ നടക്കുന്ന ഫൈനല്‍ റൗണ്ടില്‍ പങ്കെടുക്കാനവസരമുണ്ടായിരിക്കും.
ഒന്നാം സ്ഥാനം ലഭിക്കുന്നവര്‍ക്ക് 25000 രൂപയും രണ്ട് മൂന്ന് സ്ഥാനങ്ങള്‍ ലഭിക്കുന്നവര്‍ക്ക് യഥാക്രമം 15000, 10000 എന്നിങ്ങനെ കാഷ്‌പ്രൈസ് നല്‍കും. മത്സരാര്‍ഥികള്‍ കാലത്ത് 9.30ന് രജിസ്റ്റര്‍ ചെയ്യേണ്ടതാണെന്ന് ഭാരവാഹികള്‍ അറിയിച്ചു.

;;;;;;;;;;;;;;;;;;;;;;;;