കോട്ടയം: കത്തോലിക്ക കോണ്‍ഗ്രസ് ശതാബ്ദി നിറവില്‍. ഒരുവര്‍ഷം നീണ്ടു നില്‍ക്കുന്ന ആഘോഷ പരിപാടികളുടെ ദേശിയ ഉദ്ഘാടനം  28 ന് കോട്ടയം മാമന്‍ മാപ്പിള ഹാളില്‍ നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. കേരളത്തിന്റെ വിവിധ സ്ഥലങ്ങളില്‍ നിന്നും  വിശുദ്ധരായ മാര്‍ തോമ്മാശ്ലീഹാ, അല്‍ഫോന്‍സാമ്മാ,ചാവറ കുര്യാക്കോസ് ഏലിയാസ് അച്ചന്‍, ദൈവദാസന്‍മാരായ മാര്‍ മാത്യു മാക്കില്‍, പുത്തന്‍പറമ്പില്‍ തൊമ്മച്ചന്‍, വാഴ്ത്തപ്പെട്ട രക്തസാക്ഷി സിസ്റ്റര്‍ റാണി മരിയ തുടങ്ങിയവരുടെ ഛായാ ചിത്രങ്ങള്‍ രാവിലെ 11 ന് സമ്മേളന സ്ഥലത്ത് എത്തിച്ചേരും. ചങ്ങനാശേരി അതിരൂപത ആര്‍ച്ച് ബിഷപ് മാര്‍ ജോസഫ് പെരുന്തോട്ടം സ്വീകരണം നല്‍കും.
ചങ്ങനാശ്ശേരി അതിരൂപത വികാരി ജനറാല്‍ മോണ്‍. മൈക്കിള്‍ വെട്ടിക്കാട്ട്,ചങ്ങനാശേരി അതിരൂപത കത്തോലിക്കാ കോണ്‍ഗ്രസ് ഡയറക്ടര്‍ ഫാ. ഫ്രാന്‍സിസ് കാരുവേലി, സംസ്ഥാന നേതാക്കളായ അഡ്വ. ടോണി ജോസഫ്, സാജു അലക്‌സ്, ഡേവിഡ് പുത്തൂര്‍, സൈബി അക്കര, ബേബി പെരുമാലി, ഡേവിഡ് തുളുവത്ത്, പ്രൊഫ.ജോസുകുട്ടി ഒഴുകയില്‍,ടോമി ഇളന്തോട്ടം, ജാന്‍സെന്‍ ജോസഫ്, പുതുപ്പറമ്പില്‍ എന്നിവര്‍ ആശംസകള്‍ നേരും.
ഉച്ചകഴിഞ്ഞ് 2.30 ന് നടക്കുന്ന സമ്മേളനം അതിരൂപതാ ആര്‍ച്ച് ബിഷപ്പ് മാര്‍ മാത്യു മൂലക്കാട്ടില്‍ ഉദ്ഘാടനം ചെയ്യും.കോട്ടയത്ത് നടത്തിയ പത്രസമ്മേളനത്തില്‍ പ്രസിഡന്റ് വി.വി അഗസ്റ്റിന്‍, ഡയറക്ടര്‍ ജിയോ കടവി, കേന്ദ്ര ജനറല്‍ സെക്രട്ടറി അഡ്വ. ബിജു പറന്നിലം, വൈസ് പ്രസിഡന്റ് അഡ്വ. സ്റ്റീഫന്‍ ജോര്‍ജ്ജ്, സൈബി അക്കര, ടോമി ഇളംന്തോട്ടം ,ജോസ്‌കുട്ടി മാടപ്പള്ളി തുടങ്ങിയവര്‍ പങ്കെടുത്തു.