തിരുവനന്തപുരം: സംസ്ഥാനത്ത് ഇന്ന് 488 പേര്‍ക്ക് കൊവിഡ് സ്ഥിരീകരിച്ചു. 143 പേരാണ് രോഗമുക്തരായത്.167പേര്‍ വിദേശത്ത് നിന്നെത്തിയവരാണ്.76 പേര്‍ മറ്റ് സംസ്ഥാനങ്ങളില്‍ നിന്നെത്തിയവരാണ്. 234 പേര്‍ക്കാണ് സമ്പര്‍ക്കത്തിലൂടെ രോഗബാധയുണ്ടായത്.രണ്ട് ആരോഗ്യ പ്രവര്‍ത്തകര്‍ക്കും ഐടിബിപി രണ്ട്, ബിഎസ്എഫ് രണ്ട്, ബിഎസ്ഇ നാല് പേര്‍ക്കുമാണ് രോഗം സ്ഥിരീകരിച്ചത്. 12104 സാമ്പിളുകള്‍ 24 മണിക്കൂറിനിടെ പരിശോധിച്ചു. കൂടാതെ രണ്ട് കൊവിഡ് മരണങ്ങള്‍ കൂടി റിപ്പോര്‍ട്ട് ചെയ്തു.

3694 പേര്‍ ആശുപത്രികളിലാണ്. ഇന്ന് മാത്രം 570 പേരെ ആശുപത്രിയില്‍ പ്രവേശിപ്പിച്ചു. ഇതുവരെ 233809 സാമ്പിളുകള്‍ പരിശോധനക്കയച്ചു. 6449 സാമ്പിളുകളുടെ ഫലം ലഭിക്കാനുണ്ട്. മുന്‍ഗണനാ വിഭാഗത്തിലെ 73768 സാമ്പിളുകള്‍ ശേഖരിച്ചു. 66636 സാമ്പിളുകള്‍ നെഗറ്റീവായി.

തിരുവനന്തപുരം 69 (46 പേര്‍ക്ക് സമ്പര്‍ക്കം വഴി),പത്തനംതിട്ട 54 (25 പേര്‍ക്ക് സമ്പര്‍ക്കം വഴിയാണ് രോഗബാധ)
കൊല്ലം 18(7പേര്‍ക്ക് സമ്പര്‍ക്കം വഴിയാണ് രോഗബാധ,2 പേരുടെ ഉറവിടം വ്യക്തമല്ല ), കോട്ടയം 15(4 പേര്‍ക്ക് സമ്പര്‍ക്കം വഴി),ഇടുക്കി 5,എറണാകുളം 47 (30പേര്‍ക്ക് സമ്പര്‍ക്കം വഴി. 5 പേരുടെ ഉറവിടം വ്യക്തമല്ല),ആലപ്പുഴ 87 ( 51 പേര്‍ക്ക് സമ്പര്‍ക്കത്തിലൂടെയാണ് രോഗബാധ),തൃശൂര്‍ 29, പാലക്കാട് 48, മലപ്പുറം 51 (27 പേര്‍ക്ക് സമ്പര്‍ക്കത്തിലൂടെയാണ് രോഗബാധ), കോഴിക്കോട് 17(8 പേര്‍ക്ക് സമ്പര്‍ക്കം വഴിയാണ് രോഗബാധ), വയനാട് 11,കണ്ണൂര്‍ 19,കാസര്‍കോട് 18 (7പേര്‍ക്ക് സമ്പര്‍ക്കം വഴിയാണ് രോഗബാധ ,2പേരുടെ ഉറവിടം വ്യക്തമല്ല ) എന്നിങ്ങനെയാണ് രോഗം സ്ഥിരീകരിച്ചവരുടെ ജില്ലതിരിച്ചുള്ള കണക്കുകള്‍.

തിരുവനന്തപുരം ആറ്, കൊല്ലം 26, പത്തനംതിട്ട 43, ആലപ്പുഴ 11, കോട്ടയം ആറ്, ഇടുക്കി നാല്, എറണാകുളം മൂന്ന്,തൃശ്ശൂര്‍ 17, പാലക്കാട് ഏഴ്, മലപ്പുറം 15, കോഴിക്കോട് നാല്, കണ്ണൂ ഒന്ന് 1 എന്നിങ്ങനെയാണ് ഇന്ന് രോഗമുക്തിനേടിയവരുടെ ജില്ല തിരിച്ചുള്ള കണക്ക്. 

പുതുതായി 16 പ്രദേശങ്ങള്‍ക്കൂടി ഹോട്ടസ്‌പോട്ടുകളാക്കി. ആകെ ഹോട്ട്‌സ്‌പോട്ടുകളുടെ എണ്ണം 195 ആയി.